پۀ دې توره شپه خو غلۀ راځی منصوره
چه څوک نۀ راځی نو نۀ راځی منصوره

د خاموشو رويئو په سلطنت کښے
چه څوک غږ اوکړی نو مړۀ راځی منصوره

څوک د ښار پۀ فټ پاتونو اوده کیږی
چا له خوب په زنګانۀ راځی منصوره

دا ماړۀ ماړۀ شخوندونه هسي نه وی
ځنې خلقو له خواړۀ راځی منصوره

د لباس په خنداګانو ژوند چلیږی
دغه نۀ راځی نو څۀ راځی منصوره

مونږ د مرګ کومی کښے هم کوو شاډوله
مونږ له چل د ژوندانۀ راځی منصوره

د مقیش د ستارو پۀ لوپټه کښے
لیونئ جینئ پۀ غرۀ راځی منصوره

څۀ د ګرانو قافیو غزل ترے جوړ شو
نن ئے سترګو له ویختۀ راځی منصوره

پۀ مودو مو د احساس قتل ته پام شی
پۀ مودو مو پۀ چا زړۀ راځی منصوره