چې څنګه مې ؤ کړې کال په کال د نوي کال
هم هغسې مې وکړو استقبال د نوي کال

يو نوې نمر راوخوت د يو نوي کال عروج
هم دغه شانتې وشولو زوال د نوي کال

د ژوند خښتې د تېر کال نړيدلي هره ورځ
ردې وهه په بل نوي ديوال د نوي کال

د نوي کال دې وکړله څه توره ابتدا
هم دغه تور کړه بس په تندي خال د نوي کال

وختونه مو تېر کړي دي تاؤده وو که ساړه
ژوندون دغسې تېر شو په مثال د نوي کال

زياتيږي که کميږي د شيرين عمر حساب
څه دومره نوې نه دې دغه سوال د نوي کال

د تېر لانجې طيبه هسې هم دي راسره
هم دغو سره ګډ به کړو جنجال د نوي کال